Sommaren er over og me har hatt enormt mange kjekke konsertar rundt omkring i landet! Me avslutta sommaren ved å spela på Fullmånekveldane i Klepp. Den konserten var for øvrig utseld så kjapt at arrangørane sette opp ein ekstrakonsert, som òg vart utseld. Stor stas 🙂
12. september 2014 inntar me hovudsalen i Sandnes Kulturhus i lag med ei rekkje musikalske gjestar. Dette gler me oss veldig til! Billettsalet går allereie strålande, så det er lurt å tinga billett no om ein vil ha plass: SandnesKulturhus.no
Så langt i år ha me fått gjort mykje artig. Etter me var ferdige med Tom Waits-prosjektet gjorde me ein konsert heime i Sandnes for eit stappfullt Tribute. Særs moro! I april var me blant anna på Senja; ein nydeleg plass. Me kjem gjerne attende dit!
Mai og juni har vore rolege månadar for oss, ettersom Erlend har vore opptatt med segltur og revyspeling, men no har me endeleg fått starta på sommaren. Vandrefestivalen, Seljordfestivalen og Egersund Visefestival er unnagjort. Seinare i sommar skal me ned til Flekkefjord og ikkje minst fantastiske Eikerapen Roots Festival. Me gler oss!
Me minnar for øvrig om at me 12. sep. 2014 skal spela i hovudsalen i Sandnes Kulturhus med mange spanande gjestar. Set av datoen og ting billettar no!
Rundt joletider i fjor fekk me ein artig forespørsel: Rogaland Teater og Studentersamfunnet Folken ville gå saman for å laga ein hyllestkonsert til Tom Waits. Spørsmålet var: Hadde Aaslandbros lyst til å vera husband og stå for det musikalske? Me likar utfordringar, så me takka så klart ja! Me har tross alt spelt hundrevis av Cash-konsertar. Det kan vera greitt med eit musikalsk avbrekk av og til 🙂
På ganske så nøyaktig to månadar sette me saman eit Tom Waits-show med ei lang rekkje gjesteartistar. Me hyrte inn Dag Sindre Vagle (Helldorado) som hovudvokalist og pianist, og utvida besetninga vidare med Hallstein Otnes på perkusjon og Ole Ellingsen på messingblås og perkusjon. Vidar Schanche på frijazzsolo på ein låt. I tillegg fekk me med oss Einar Stenseng, Jonathan Hall, Olav Larsen, Randi Tytingvåg, Roald Hellum Madland og Silje Vige som gjestevokalistar.
15. februar 2014 fekk 520 publikumarar servert 108 minutt med Tom Waits-songar i eit repertoar som spente over heile tolv album. For å skapa den ultimate Tom Waits-stemninga hadde me fått tak i ei rekkje instrument. Over 27 ulike typar instrument befant seg på scenen, blant anna bass-saksofon, 125 kg ambolt, waterphone, sag og pumpeorgel. Elles så synes me det var utruleg stas at teatret ordna konfetti til Make It Rain 🙂
Me hadde så klart med oss vår trufaste konsertfotograf, Eirik Halvorsen, og ikkje minst aller beste Arne Andersen på lyd.
Kort oppsummert vart dette eit hektisk, men utruleg moro sideprosjekt for oss. Veldig kjekt å samarbeida med teatret og Folken!
Jan Zahl frå Stavanger Aftenblad var på konserten. Les om det her: aftenbladet.no
Dag Sindre på gitar og vokal. Foto: Eirik Halvorsen.
Blås er viktig når ein spelar Tom Waits. Foto: Eirik Halvorsen.
Kenneth, her som perkusjonist. Foto: Eirik Halvorsen.
Vidar stakk innom og gjorde ein kickass gitarsolo. Foto: Eirik Halvorsen.
Utruleg kjekt å ha med Roald på lydeffektar og vokal. Foto: Eirik Halvorsen.
Eitt stykk Hellhorn på blås! Foto: Eirik Halvorsen.
Gjestevokalist Jonathan Hall. Foto: Eirik Halvorsen.
Silje var gjest på to flotte balladar. Foto: Eirik Halvorsen.
Olav kom innom og gjorde ein av Waits sine tidlege countryballadar. Foto: Eirik Halvorsen.
Einar leverer alltid varene. Og meir. Stas! Foto: Eirik Halvorsen.
Randi gjorde to nydelege tolkingar av Tom Waits. Foto: Eirik Halvorsen.
«In The Neighbourhood». Foto: Eirik Halvorsen
Hallstein og waterphonen. Foto: Eirik Halvorsen
Fundamentet i bandet: Christoffer. Foto: Eirik Halvorsen
Fredag 6. desember hadde me plateslepp for EP-en vår på Martinique. Det var fullt hus og songane vart tatt godt imot. Høg allsongfaktor tyda på at mange hadde høyrt på smakebitane me hadde lagt ut på førehand 🙂
Måndagen etterpå, 9. desember, vart EP-en sluppe digitalt. Elles er han tilgjengeleg fysisk frå oss (send oss ein epost) og platebutikken Ivar Skei i Sandnes.
Så langt har me fått svært gode tilbakemeldingar. Musikktenesta WiMP hadde EP-en som «Ukas Album» i veke 50 og to av låtane me la ut på Urørt klatra kjapt til topps på lista over populære songar!
Laurdag 23. nov. var me musikalske gjestar i høve Ljomen Blandakor sitt trettiårsjubileum. Me gjorde tre songar i lag med dei: I Still Miss Someone, The Banks Of The Ohio og A Thing Called Love. Det var veldig moro å samarbeida med dei. Hyggelege folk! Det var for øvrig full hus og vel så det på konserten 🙂
19. til 21. september 2013 gjekk me inn i Egersound studio saman med låtskrivar Olav Larsen og teknikar Eirik Bekkeheien. Me spelte inn fire songar; ein gammal amerikansk folk-låt og tre av Olav sine komposisjonar. Alt vart spelt inn live (vokal vart lagt på til slutt).
Plata kjem ut digitalt 9. desember 2013. Tre dagar før det, 6. desember, spelar me songane på Martinique (link til FB-event).
Her er ein teaser de kan kosa dykk med enn så lenge 🙂
I vår vart me kontakta av blandakoret Ljomen ang. samarbeid. Dei har 30-årsjubileum i år og ville gjerne ha oss med som musikalske gjestar. Det sa me sjølvsagt ja til! Erlend har arrangert tre Cash-songar for kor, blant anna A Thing Called Love frå 1972.
Konserten er i foajéen i Sandnes Kulturhus, laurdag ettermiddag kl 15.00 23. november 2013.
Etter me feira vår hundrede konsert på Thime Station i juni, lova me å halda ein skikkeleg fest til hausten. Det skjedde på Folken, 13. september 2013. Me inviterte med oss ein haug vennar og laga eit show med tretti songar og nitten folk på scenen 🙂 Camilla Rosenlund laga ein nydeleg plakat og ein tøff backdrop.
Camilla Rosenlund laga ein nydeleg plakat.
Arne Andersen, vår trufaste lydmann, sørga for fantastisk lyd både på scenen og i salen. Stig Runar Solli sørga for framifrå lyssetting. Vår gode ven Eirik Halvorsen tok mange flotte bilete (sjå nedst i dette innlegget). Einar Stenseng gjorde ei fantastisk tolking av The Ballad of Ira Hayes. Trond Eltervaag Hansen var med på duetten The Girl From North Country:
Olav Larsen gjorde Highway Patrolman (frå plata Johnny 99), Hege Kristin Kjærvoll (som har vore med oss som June mange gonger) var med på Jackson, Margrethe Lunde (som òg har vore med oss some June mange gonger) var med på If I Had a Hammer. Anita Bekkeheien var sjølvsagt òg med på ei rekkje duettar, og saman med Mariann Bjørnelv var alle fire damene med på nydeleg Carter Family-koring! Me hadde òg fått med oss Martin og Kristian (kjent som Poor Edward) på nydelege harmoniar. I tillegg til alle desse flotte folka vart me forsterka på piano (Johnny Engelsvoll), gitar (Knut Engelsgjerd), fele (Lillian Kristin Hodne), trompet (Ole Ellingsen og Jon Eirik Steinstø) og steelgitar (Øyvind Berekvam) som alle gjorde ein utruleg bra innsats.
Som ekstranummer gjorde me Daddy Sang Bass med samtlege musikarar på scenen. Det var magisk 🙂
Me hadde vel aldri sett føre oss at me så og seie skulle fylla opp Folken. Dette vart ein kveld me kjem til å hugsa resten av livet! Takk!
God stemning før konsert 🙂
Styling på gang
Knut gjorde ein fantastisk jobb som gjestegitarist.
Martin og Kristian på nydelege harmoniar.
Ole og Jon Eirik på trompet.
Anita var med på kor og ei rekkje duettar.
Jørgen er godt nøgd med utsikten.
Jørgen og Hege Kristin kosar seg
Kenneth, stødig som alltid.
Berekvam på pedalsteel
Lillian på nydeleg felespel
Trond, her i rolla som Bob Dylan
Historieforteljaren Einar gir oss ein leskjon om fylliken Ira Hayes
I høve femårsjubileumet vårt gjer me ein heilt spesiell konsert på Folken, fredag 13. september 2013! Me kjem til å ha med oss ein haug musikalske gjestar, noko me gler oss veldig til 🙂
Facebook-event finn du her. Merk: Det kan vera lurt å tinga billettar på førehand!
Det nærmar seg sommar og ein relativt aktiv periode for Aaslandbros. 11. juni 2008 spelte me vår fyrste Cash-konsert på Thime Station. Fem år seinare er det på plass med eit jubileum (synes me) derfor inviterar me til jubileumskonsert på Thime Station (sjølvsagt) 12. juni! Det blir mange gjestar, blant anna Anita Bekkeheien, Knut Engelsgjerd og ikkje minst HellHorns (Ole Ellingsen og Jon Eirik Steinstø). Tilfeldigvis er dette og den hundrede Cash-jobben me gjer!
Men før den tid blir det ei anna feiring: I høve femårsjubileumet har Erlend og Jørgen tinga signaturgitarar frå sjølvaste Strand Guitars. Odd hjå Strand har vore etter oss lenge og spurt om dei ikkje skulle laga gitarar til oss. Når me byrja å tenkja på jubileumet fant me ut at tida var inne for å gjera noko med gitarplanane. 7. juni drar me til Jørpeland for ei meir eller mindre høgtideleg overlevering av Aaslandbros-gitarar. Me gjer òg ein konsert der på kvelden for å markera overleveringa 🙂
Elles kan me be folk om å setja av fredag 13. september 2013. Då kjem me til å laga i stand ein skikkeleg femårsfest! Det blir mange, mange gjesteartistar og eit spesialsydd repertoar 🙂 Noter datoen med ein gong!
Aaslandbros 